En la terza runda dals mezfinals dals playoffs la sonda saira ha Berna pers a chasa cunter ils ZSC Lions cun 2:3. Il è stà in gieu gulivà. En la davosa minuta ha han ils ZSC Lions pudì far il gol decisiv. En la seria mainan uss ils Turitgais cun 2:1.
La segunda partida da la saira ha Lugano dominà. Ils hockeyans da Lugano han victorisà Bienna cun in 6:3. Quai suenter che Bienna aveva manà cun in 3:0. En la seria maina Bienna uss damai anc cun in 2:1.
Bienna senza Robbie Earl
L'EHC Bienna sto dar il proxim gieu da quartfinal cunter Lugano senza Robbie Earl. L'attatgader american è serrà per in gieu suenter ch'el ha tscheccà la sonda il defensur da Lugano Thomas Wellinger en la banda. El era lu vegnì tarmess directamain en la cabina. Sper ch'el è serrà per in gieu sto Robbie Earl er anc pajar ina multa da 2'500 francs.
RR novitads 12:00