Siglir tar il cuntegn

Header

Navigaziun

cuntegn

Naziunal/Internaziunal Plaz da podest per Corinne Suter

En l'ultima cursa rapida da questa stagiun daventa la skiunza svizra terza. Victura daventa l'Austriaca Mirjam Puchner avant la Tudestga Viktoria Rebensburg.

Corinne Suter.
Legenda: Corinne Suter sin terz plaz a Soldeu. Keystone

Il podest

  1. Mirjam Puchner (AUT) 1:32.1
  2. Viktoria Rebensburg (GER) +0.03
  3. Corinne Suter (CH) +0.08

Corinne Suter è vegnida terza en l'ultima cursa rapida da la stagiun a Soldeu en l'Andorra. Quai cun in retard da be 8 tschientavels sin la victura da surpraisa, l'Austriaca Mirjam Puchner. Per Suter ch'ha gudagnà avant curt argient al campiunadi mundial ad Åre, èsi suenter Crans-Montana la segunda plazza da podest en la cuppa mundiala da sia carriera.

La culla da cristal pitschna per la meglra da la stagiun en la cursa rapida, va a l'Austriaca, Nicole Schmidhofer ch'è vegnida 9avla.

Las ulteriuras Svizras

  • 16. Juliana Suter +1.30
  • 17. Jasmine Flury +1.34

Juliana Suter, la giuvna da las soras Suter, ha manchentà cun rang 16 mo per pauc puncts da la cuppa mundiala. Uschia lascha ella la Grischuna da 20 onns Jasmine Flury gist davos ella. Joana Hählen è crudada ora.

RR novitads 14:00