Siglir tar il cuntegn

Header

cuntegn

Naziunal/Internaziunal Plirs forfaits a Paris

Roger Federer stat senza dar en l'otgavel final al turnier da Paris Bercy. Ses adversari, Milos Raonic è blessà ed ha stuì dar forfait. En l'emprima runda ha Federer gì in gieu liber. El è per l'emprima giada dapi il 2015 puspè al turnier da Paris.

Er il numer in dal mund, il spagnol Rafael Nadal, sto dar forfait a Paris. El ha communitgà d'avair mals a la musculatura dal venter. Dapi ch'el ha dà si en il mezfinal da l'US Open n'ha il Spagnol betg pli dà. Sche Nadal è al final da l'ATP a Londra n'è anc betg enconuschent.

Cunquai daventa il Serb Novak Djokovic davent il glindesdi proxim puspè il numer in dal mund. L'ultima giada è el stà l'october 2016 il meglier dal mund. Quest onn ha el gudagnà Wimbledon e l'US Open.

RR novitads 17:00

Artitgels legids il pli savens