Siglir tar il cuntegn
Inhalt

Naziunal/Internaziunal Plüss metta sin glatsch sia carriera

Ina gronda figura dal hockey svizzer banduna suenter dus decennis la tribuna: Il hockeyan Martin Plüss ha communitgà sia demissiun rapporta l'agentura da novitads svizra SDA. L'attatgader era fin la primavaira passada stà chapitani tar il campiun SC Berna.

Plüss sil glatsch en dress da la naziunala.
Legenda: Medaglia d'argient al campiunadi mundial 2013 – Martin Plüss tar ses success pli grond. Keystone

Ses pli grond success ha Martin Plüss (40) gì tar il campiunadi mundial da hockey sin glatsch il 2013 en Svezia. Plüss era ina da las persunas decisivas per il success dal team naziunal svizzer, ch'ha fatg numnadamain la medaglia d'argient.

Portrait.
Legenda: Martin Plüss era fin la primavaira passada chapitani dal SCB. Keystone

4 gieus olimpics, 12 campiunadis mundials, 263 gieus internaziunals

Plüss era in leader ed in attatgader excellent cun conscienza defensiva. Questas caracteristicas han purtà el quatter giadas als gieus olimpics, a 12 campiunadis mundials ed a 263 gieus internaziunals.

Suenter l'ultima stagiun e la defensiun da titel gartegiada cun il SC Berna m'ha l'intuiziun ditg, ch'i saja uss in bun mument per chalar.
Autur: Martin Plüsshockeyan

Ensemen cun il defensur e chapitani dals ZSC Lions Mathias Seger tutga Plüss tar las persunalitads pli extraordinarias da sia generaziun da giugaders.

A la finala era il giugader cun sis titels da campiun senza contract. Fin questa gievgia aveva el laschà avert sia demissiun.

RR novitads 16:00