Siglir tar il cuntegn
cuntegn

Naziunal/Internaziunal Podladtchikov è vegnì operà vid la tarschola d'Achilles

Da sia crudada durant ils campiunadis mundials a Park City è Iouri Podladtchikov sa blessà grevamain. El ha stgarpà la tarschola d'Achillas, ha communitgà Swiss Ski.

Purtret da Iouri Podladtchikov che vegn purtà davent.
Legenda: Suenter ses accident en la mesa pipa als campiunadis mundials a Park City ha el stuì operar la tarschola d'Achilles. Keystone

Il sportist da 30 onns è gia vegnì operà a San Murezzan e croda probabel or plirs mais. Cun quai cuntinuescha sia glista da blessuras. Suenter ch'el è stà victur als gieus olimpics da Sotchi il 2014 ha el gì plirs accidents. Il 2014 ha el lura rut l'oss radund, il 2017 ha el rut il liom cruschà ed il 2018 ha el gì ina sanganada dal tscharvè. L'onn passà aveva el era stuì desister dals gieus olimpics en la Corea dal Sid.

RR novitads 10:00