Siglir tar il cuntegn

Header

cuntegn

Naziunal/Internaziunal Podlatchikov: Squassada dal tscharvè e rut il nas

Suenter 11 mais pausa da blessura aveva Iouri Podlatchikov planisà ses comeback en la mesapipa a «Secret Garden». En la runda finala è Podlatchikov però crudà sin l'ura da la mesapipa suenter ses quart sigl. Sco quai che Swiss-Ski communitgescha ha el rut l'os dal nas, squassà il tscharvè e pliras contusiuns a chalun e spatla. Ulteriuras examinaziuns medizinalas èn previsas suenter ses return en Svizra.

La crudada bitta sumbriva sin il success da collegas svizzers en la China. Triumfà ha il Svizzer Jan Scherrer che gudogna si'emprima cursa da la cuppa mundiala:

  • 1. Jan Scherrer (SUI) 95,50
  • 2. Ruka Hirano (JPN) 92,50
  • 3. Yuto Totsuka (JPN) 92,25

Tar las dunnas è la Svizra Verena Rohrer l'emprima giada sin il podest tar la cuppa mundiala. Ella ha stuì ceder mo a la chinaisa Xuetong Cai:

  • 1. Xuetong Cai (CHN) 88,75
  • 2. Verena Rohrer (SUI) 85,25
  • 3. Kurumi Imai (JPN) 82,25

RR novitads 08:00+

Artitgels legids il pli savens