Il pilot da Mercedes Nico Rosberg po partir da la pole position al Grond Premi da la China. Il Tudestg ha gudagnà il qualyfing a Shanghai avant l'Austrialian Daniel Ricciardo en il RedBull-Renault.
Nagina fortuna per Hamilton
En la segunda retscha da partenza stattan ils dus pilots da Ferrari Kimi Räikkönen e Sebastian Vettel.
Ils dus pilots da Sauber han per la prima giada insumma en questa stagiun dumagnà la segunda part dal qualifying. Marcus Ericsson e Felipe Nasr partan damaun da las plazzas 15 e 16.
Ina da las grondas perditas ha nudà Lewis Hamilton. Il champiun mundial sto partir la dumengia (start 08:00 temp svizzer) da l’ultima posiziun, perquai ch’el ha gì in problem tecnic cun ses auto durant la qualificaziun.
RR novitads 11:00 / Sportissimo 17:00