Naziunal/Internaziunal - Poleposition per Lewis Hamilton a Silverstone
Il Brit ha gudagnà la qualificaziun per il Grond Premi da la Gronda Britannia a Silverstone. Sper el parta or da l’emprima retscha il Finlandais Kimi Raikkönen. Il Tudestg Sebastian Vettel parta sco terz.
Ils pilots da Sauber n’han gì nagina schanza: Pascal Wehrlein parta damaun dal 18avel, Marcus Ericsson dal 19avel plaz.
Lewis Hamilton po uschia festivar sia 67avla poleposition da la carriera. Al pilot da Mercedes manca cunquai mo pli ina poleposition per egualisar il record da Michael Schumacher.
