Siglir tar il cuntegn

Header

Halla da glatsch a Tavau.
Legenda: Halla da glatsch a Tavau. RTR, Roman Dobler
cuntegn

Premiera a chasa Tavau – Bienna 5:2. La premiera è gartegiada

En l’emprima partida da chasa da questa stagiun batta il HCD il leader Bienna gist cun 5:2. Sco meglier giugader è vegni onurà Claude Curdin Paschoud.

Suenter otg partidas ordaifer è il HCD puspè turnà sin il agen glatsch. Pervia da lavurs da construcziun era l’equipa grischuna sfurzada da dar ils emprims gieus ordaifer. Suenter la buna partenza en la nova stagiun cun quatter victorias sin il conto vuleva il HCD mussar che els en èn furma era als agens fans. Ed il HCD ha fat quai da maniera fulminanta. Gest cun 5:2 ha l’equipa grischuna bittà al leader Bienna or da la atgna halla.

Basa per il success durant emprima mes’ura.

Gia suenter 35 minutas manava l’equipa da chasa cun 3:0. Ed era cura che Bienna ha finalmain fatg il emprim gol en situaziun da powerplay, e la reacziun dal HCD vegni sco or dad in chanun. Mo 90 secundas suenter aveva Claude Curdin Paschoud puspè realisà il vegl avantatg.

«Club da 1000»

Gia avant la partida encunter il leader Bienna datti da festivar insatge a Tavau. Dapi quest’emna è il capitani da l’equipa grischuna Andres Ambühl en il club dals giugaders che han dà 1000 gieus en liga naziunala A. ‘Büeli’ co che Andres Ambühl vegn numnà dals fans vegn onurà per questa prestaziun gia avant la partida.

Hockey tabella liga naziunala A



gieusgolspuncts
1.
ZSC Lions
2074:49
43
2.
Bienna2053:49
35
3.Losanna
19
58:52
31
4.
Genevra2055:53
31
5Tavau1449:38
29
6.Zug1757:51
27
7.Lugano1947:57
25
8.SCL Tigers
17
43:49
24
9.Friburg1735:39
22
10.Berna
1955:65
22
11.Lakers19
45:58
21
12.Ambri1943:54
20

RR actualitad 20:00