Premiera grategiada – malgrà aura invernala

Nudar, ir cun velo e currer. Quai èn las cumponentas da concurrenza da triatlon. Questa fin d’emna è triatlon stà trumf a Tavau.

Impressiuns da la «Davos Challenge». Bild in Lightbox öffnen.

Legenda da maletgs: Impressiuns da la «Davos Challenge». RTR, Roman Dobler

A Tavau èn atletas ed atlets s'entupads questa fin d'emna per la premiera da la «Davos Challenge». Durant tut la fin d’emna hai dà differentas cursas da triatlon. La cursa roiala fiss stada la concurrenza sur la distanza media. Vul dir 1.9 kilometers nudar en il lai da Tavau, ir 50 kilometers cun velo da Tavau sur il pass dal Flüela a Susch e puspè enavos, e per finir anc 21.1 kilometers currer enturn il lai da Tavau.

Pervi da l’aura invernala a Tavau han ils organisaturs decis da desister sin il nudar. Ed era il traject da velo è vegni scursanì. Las atletas ed ils atlets han «mo» pudì ir 10 kilometers si dal pass dal Flüela e silsuenter currer enturn il lai da Tavau. Malgrà l’aura d’enviern en ils responsabels da la cursa cuntents cun l’emprima ediziun. Organisatoricamain ha tut funcziunà tenor giavisch.

RR actualitad 07:00