Naziunal/Internaziunal - Preschentà detagls dal 79avel Tour de Suisse
Il comité d'organisaziun dal Tour de Suisse ha dà enconuschent il traject da la 79avla ediziun da la cursa tradiziunala. Il tur tras la Svizra cumenza a Risch-Rotkreuz e va sur 1320 kilometers enfin a Berna.
La pli lunga e dira etappa va da la riva dal Lai Rivaun sur il Principadi dal Lichtenstein enfin a Sölden en l'Austria. Ils profis han da far 15’600 meters d’autezza durant las 9 etappas dal Tour. Durant la quarta etappa èn ils ciclists er en il Grischun. Els van da Flem a Cuira, Sargans e vinavant fin a Schwarzenbach en il chantun Son Gagl.
Il Tour de Suisse dura dal 13 enfin ils 21 da zercladur.
