Siglir tar il cuntegn

Naziunal/Internaziunal Prima victoria per Goggia en la cuppa mundiala

La Taliana Sofia Goggia ha gudagnà la cursa rapida a Jeongseon en la Corea dal Sid. Quai è l’emprima cursa da la cuppa mundiala che Goggia gudogna. Pervia da problems tar la mesiraziun dal temp haja dentant duvrà bler pazienza.

Victoria per Sofia Goggia a Jeongseon en la Corea dal Sid.
Legenda: Victoria per Sofia Goggia a Jeongseon en la Corea dal Sid. Keystone

Sin il podest

  • 1. Sofia Goggia (Italia) 1:38,80
  • 2. Lindsey Vonn (Stadis Unids +0,07
  • 3. Ilka Stuhec (Slovenia) +0,23

Meglra Svizra è Jasmine Flury sin il 7avel plaz. Pervi d’ina panna tar la mesiraziun dal temp ha la giuvna da 23 onns stuì spetgar bunamain ina mes’ura sin ses resultat. Sco ella ha tradì era ella

mega happy e levgiada
Autur: Jasmine Flury

cura ch’il resultat è finalmain vegnì confermà. Suenter la cupitgada a Crans-Montana n’ha ella betg quintà da pudair far in rang davanttiers.Quai è ses meglier resultat en il classament da la cuppa mundiala.

Classament da las Svizzras:

  • 7. Jasmine Flury +0,78
  • 9. Corinne Suter +1,11
  • 12. Michelle Gisin 1,23
  • 19. Fabienne Suter +1,64
  • 28. Priska Nufer +2,79
  • 40. Joana Hählen +4,59

RR novitads 09:00