Siglir tar il cuntegn

Header

cuntegn

Prolungà contract fin 2022 Petkovic resta trenader da la squadra naziunala

Suenter lungas tractativas ha la Federaziun svizra da ballape prolungà il contract cun Vladimir Petkovic fin la fin da l'onn 2022. Quai ha confermà la Federaziun svizra da ballape. Sche la Svizra dumogna la qualificaziun per il campiunadi mundial a Katar, ch'è il november e december 2022, resta Petkovic fin lura il coach da la naziunala svizra.

Petkovic è dapi il 2014 il trenader da la squadra naziunala svizra. El è suandà Ottmar Hitzfeld ed ha manà la Svizra al campiunadi europeic 2016 sco era il campiunadi mundial 2018 ed uss al campiunadi europeic 2020 che ha lieu il zercladur che vegn en l'entira Europa.

L'intervista cun Vladimir Petkovic

Video
Petkovic: «Il svilup è fatg, uss vai per la stabilitad»
Or da Sport-Clip dals 25.02.2020.
laschar ir

RTR novitads 20:00