Protest vegn refusà – Hussein manchenta final

Il protest da la delegaziun svizra al campiunadi mundial da Peking è vegnì refusà. Cun quai resta il sportist svizzer d'atletica leva Kariem Hussein 9avel da la cursa d'obstachels da 400 meters e na vegn betg a currer il final.

Kariem Hussein il Turgovian da 26 onns. Bild in Lightbox öffnen.

Legenda da maletgs: Kariem Hussein il Turgovian da 26 onns. Keystone

La delegaziun svizra aveva protestà suenter la cursa. Tenor la delegaziun svizra aveva il curridur kenian Nicholas Brett mess il pe en la pista da currer daspera. Quai n'è ussa dentant betg vegnì confermà. Nicholas Brett era classà gist avant Hussein sco 8avel.

Il sportist svizzer d'atletica leva Kariem Hussein n'ha per 5 tschientavels betg cuntanschì il final da la cursa d'obstachels da 400 meters.

Bolt il spert sur 100 meters

En la cursa sur 100 meters ha il Giamaican Usain Bolt gudagnà aur cun in temp da 9,79 secundas. Mo in tschientavel pli plaun è stà l'American Justin Gatlin. Tuttina sto il pli spert da la stagiun uschia sa cuntentar cun la medaglia d'argient.

RR novitads 17:00