Ma ils purs pertutgads n’han betg vulì metter a disposiziun lur terren. Sco quai che la gruppa da project sut la direcziun dal schef da la regenza Thomas Weber ha dà enconuschent, è la festa realisabla a Pratteln. Il perimeter previs haja schizunt blers avantatgs.
La festa da lutga svizra è il pli grond event da sport en Svizra e vegn organisada mintga 3 onns. La proxima festa è il 2019 a Zug. La decisiun davart il lieu d'organisaziun da la festa 2022 prendan ils deputads da l'Uniun federala da lutga la primavaira 2018.
RR novitads 12:00