Siglir tar il cuntegn

Header

Dus giugaders da ballape en in duel en l'aria.
Legenda: L’Irlandais James McClean ed il Danais Yussuf Yurary Poulsen en in duel. Keystone
cuntegn

Quali campiunadi europeic Resultats en favur da la Svizra

Duas partidas hai dà il venderdi saira en la gruppa svizra da la qualificaziun per il campiunadi europeic. E tant cun il pari tranter il Danemarc e l'Irlanda ed era cun la victoria da la Georgia po la naziunala svizra viver bain. Ils Svizzers restan segunds en la tabella.

Il Danemarc e l'Irlanda giogan pari 1:1. Suenter duas victorias cun equipas plitost flaivlas, han ils Irlandais fatg in punct grazia ad in gol ch’è crudà pir curt avant la fin. Ils Danais han uss giugà duas giadas pari en questa qualificaziun.

En la segunda partida dal venderdi saira, batta la Georgia il Gibraltar cleramain cun 3:0.

Uschia resta la Svizra en la tabella cun quatter puncts sin plaz dus. Ella è uss trais puncts davos l'emprim l'Irlanda, ha dentant era dà in gieu damain.

RR novitads 23:00