Siglir tar il cuntegn

Header

audio
Mezdi: Qualificaziun Euro 2020 – prevista Svizra cunter Gibraltar
Or da Sportissimo dals 08.09.2019.
laschar ir. Durada: 01:45 minutas.
cuntegn

Qualificaziun Euro 2020 3 puncts ston sin il conto

Svizra-Gibraltar, la proxima fischa en la qualificaziun per l'Euro 2020. Il trenader empermetta da vulair meglierar ils sbagls fatgs tar il pari cunter l'Irlanda.

Ils giugaders da la naziunala svizra giavischan avant il gieu cunter il Gibralatar ch'il ruaus returnia en l'equipa. Ins vul sa concentrar sin l'essenzial e sajettar baud in gol e batter l'adversari d'amaturs.

Las discussiuns e polemicas sper il plaz davart las absenzas dal star-attatgader Xerdan Shaqiri ed il capitani Stephan Lichtsteiner han laschà lur fastizs en la naziunala svizra. Ils giugaders sentan ch'il clima enturn la naziunala n'è il mument betg uschè stabil. Ed uschia tuna quai ch'il goli Yann Sommer di sco in appell:

Impurtant èn be l’equipa e la qualificaziun.
Autur: Yann Sommergoli

Cunter il Gibraltar, il numer 198 en la rangaziun da la FIFA, è ina victoria in stuair. La Svizra è cleramain en la rolla da favurit ed ils fans spetgan e vulan vesair gols ed ina offensiva effizienta, sco il trenader Vladimir Petkovic empermetta.

Svizra - Gibraltar a partir da las 18:00 uras ord il stadion a Sion. RTR rapporta direct.

RR Sportissimo 12:00