Il duel encunter il Gibraltar è in duel tranter David e Goliat, in duel tranter profis ed amaturs dal ballape. Il Gibraltar sa chatta actualmain be sin il 196avel plaz da la rangaziun mundiala da la FIFA. En ils davos 27 gieus da qualificaziun per in campiunadi d’Europa u in campiunadi mundial ha il Gibraltar gudagnà gnanc in sulet punct. La differenza da gols ord quels 27 gieus: 7:128.
In lazaret
Sco gia en il davos gieu da qualificaziun il venderdi a Son Gagl encunter la Georgia sto la naziunala svizra er desister en il Gibraltar sin in’entira retscha giugaders da tschep. Shaqiri, Seferovic, Schär, Embolo, Mehmedi, Freuler, Drmic, Klose, Zuber e Gavranovic, els tuts èn blessads.
Per terminar la qualificaziun sin l’emprim plaz da gruppa sto la Svizra batter il Gibraltar e sperar ch’il Danemarc na gudognia betg questa saira ordaifer encunter l’Irlanda.
Il gieu da qualificaziun tranter il Gibraltar e la Svizra cumenza a las 20:45 uras.
RR actualitad 17:00