Siglir tar il cuntegn
Inhalt

Naziunal/Internaziunal Qualificaziun istorica

Ils Young Boys da Berna èn sa qualifitgads per la Champions League, cun ina victoria ordaifer cunter Dinamo Zagreb.

Il giugader da ballape Hoarau en acziun
Legenda: Cun in penalti ha Hoarau egualisà. Duas minutas pli tard ha el sajettà il gol da la victoria. Keystone

Cunter Dinamo Zagreb ha YB gudagnà ordaifer cun 2:1. Dentant al cumenzament da la partida n'hai betg vis ora uschia, gia suenter paucas minutas ha Izet Hajrovic sajettà il 1:0 per ils Croats. Ed en l'emprima mesadad n'han ils Bernais betg persvadì ed han strusch gì ina schanza. Suenter ina bun'ura ha Guillaume Hoarau lura sajettà in gol cun penalti. E mo duas minutas pli tard ha il medem giugader sajettà il gol da la victoria.

Success istoric

Igl è l'emprima giada insumma ch'ils Young Boys pon giugar en la Champions League. Ils adversaris dal campiun svizzer en la fasa da gruppa vegnan eruids gievgia cun trair la sort.

Quitads per Sulejmani

Il giugader da YB Miralem Sulejmani è crudà ora suenter 50 minutas pervi d'ina squassada dal tscharvè. Senza vulair aveva Petar Stojanovic da Dinamo Zagreb al tutgà cun il pe vi dal chau durant in cumbat.

RR novitads 23:00