En la qualificaziun per il campiunadi europeic da ballape dal 2020 frunta la Svizra sin il Danemarc, l’Irlanda, la Georgia ed il Gibraltar. Las 2 meglras squadras da la gruppa sa qualifitgeschan directamain per la runda finala. Ils gieus per la qualificaziun vegnan dads tranter ils 21 da mars e 19 da november 2019.
Na duess la Svizra betg sa qualifitgar per ils campiunadis europeics sin via da las gruppas, lura ha ella anc la schanza da sa qualifitgar en il rom dals playoffs da la Nations League il mars 2020.
Ils campiunadis europeics da ballape dal 2020 han lieu davent dals 12 da zercladur fin ils 12 da fanadur en 12 differentas citads da l'Europa.
Las gruppas en survista:
Gruppa A: Engalterra, Tschechia, Bulgaria, Montenegro, Cosovo.
Gruppa B: Portugal, Ucraina, Serbia, Lituania, Luxemburg.
Gruppa C: Pajais Bass, Germania, Irlanda dal Nord, Estonia, Bielorussia.
Gruppa D: Svizra, Danemarc, Irlanda, Georgia, Gibraltar.
Gruppa E: Croazia, Valisa, Slovachia, Ungaria, Aserbeidschan.
Gruppa F: Spagna, Svezia, Norvegia, Rumania, Feroais, Malta.
Gruppa G: Pologna, Austria, Israel, Slovenia, Macedonia, Lettonia.
Gruppa H: Frantscha, Islanda, Tirchia, Albania, Moldavia, Andorra.
Gruppa I: Belgia, Russia, Scozia, Cipra, Kasachstan, San Marino.
Gruppa J: Italia, Bosnia-Erzegovina, Finlanda, Grezia, Armenia, Liechtenstein.
RR novitads 14:00