Ils pilots da Mercedes han dominà il qualifying dal Grond Premi da giubileum da 70 onns da la furmla 1 a Silverstone. Valtteri Bottas è stà 63 milliavels secunda pli spert che ses collega da squadra Lewis Hamilton.
Nico Hülkenberg sco terz ha gia pers var ina secunda sin Bottas. Il Tudestg remplazza tar Racing Point Sergio Perez ch'è puspè testà positiv sin il coronavirus. Per ils pilots dad Alfa Romeo, Antonio Giovinazzi e Kimi Räikkönen restan sulet la davosa retscha da partenza.