Siglir tar il cuntegn

Header

Giugadurs da Tavau vid giubilar.
Legenda: Cun la victoria a chasa han duas serias chattà ina successiun Il HCD ha gudagnà la quarta victoria en seria e Bienna ha entant bandunà per l'otgavla giada en seria il glatsch sco squadra perdenta. Keystone
cuntegn

Quarta victoria en seria HCD gudogna cunter Bienna cun 4:3

Ils hockeyans da Tavau han gudagnà cunter Bienna cun 4:3 (1:1, 1:2, 2:0) en la prolungaziun. Il gol da la victoria è crudà 2,9 secundas avant la fin da la prolungaziun. Per il HCD è quai la terza victoria en l'onn nov. L'equipa da Bienna sto spetgar vinavant sin ina victoria.

Suenter las schlettas prestaziuns dal HCD a la Cuppa Spengler la fin da l’onn, è la situaziun sa midada marcantamain il 2020. Ils da Tavau, surtut il trenader Christian Wohlwend, han puspè fatg pasch cun lur fans. Ed era sin il glatsch fan ils Grischuns puspè plaschair a lur aspectaturs. Tut ils trais gieus da quest onn han els gudagnà.

Da questas victorias dattan a nus blera energia, perquai che nus essan vegnids onurads per nossas stentas.
Autur: Andres Ambühlcapitani HCD

En il gieu da la dumengia cunter Bienna ha il HCD pir pudair decider il gieu cun il gol al 4:3 curt avant la fin da la prolungaziun. Duas giadas èn ils Grischuns stads en retard durant il gieu, han dentant anc pudì volver il gieu. Grazia a quella victoria è il HCD uss sin plaz 3 da la tabella ed ha sulet 2 puncts retard sin Genevra-Servette, ch'ha gia giugà dus gieus dapli.

Il proxim gieu per Tavau è mardi saira a chasa cunter ils ZSC Lions. RTR rapporta live da quest gieu a partir da las 20:00.

RTR novitads 20:00

Artitgels legids il pli savens

Scrollar a sanestra Scrollar a dretga