Schurter e Forster han uschia er fatg bun temp en il classament general. Il duo Svizzer ha be pli in retard da 1:13 minutas sin il duo Brasilian-Tudestg che parta dentant era sco leader en la 5avla etappa da damaun sur 100 kilometers cun 2’850 meters differenza d’autezza fin a Stellenbosch.
Il Cape Epic vala sco la pli dira cursa d’etappas da mountainbike insumma. Nino Schurter aveva gia gudagnà questa cursa extrema en l’Africa dal Sid avant dus onns, lura ensemen cun Matthias Stirnemann. A fin va il Cape Epic 2019 dumengia proxima a Paarl en la regiun da Kapstadt.
RR novitads 09:00
