Siglir tar il cuntegn

Naziunal/Internaziunal Quasi ina cursa da chasa per Seraina Boner

La cursa da 30 kilometers classic al campiunadi mundial da ski nordic a Falun è la cursa roiala da las dunnas, il medem sco ils 50 kilometers tar ils umens.

Seraina Boner
Legenda: Seraina Boner po partir quasi cun avantatg da chasa. Keystone

Sche la Norvegiaisa Marit Björgen defenda ses titel, daventa ella persula campiunessa da record. Avant dus dis ha Björgen egualisà il record da 14 victorias da la russa Elena Välbe.

Era duas Svizras partan als 30 kilometers da Falun, la Bernaisa Nathalie von Siebenthal e la Grischuna Seraina Boner. Boner trenescha savens en Svezia e discurra era svedais. Per ella èsi perquai quasi ina cursa da chasa a Falun.