Siglir tar il cuntegn

Header

audio
Mezdi: Intervista cun Aldo Casanova, trenader dad unihockey
Or da Sportissimo dals 06.05.2018.
laschar ir. Durada: 2 minutas 34 Secundas.
cuntegn

Naziunal/Internaziunal Rang 5 per l'equipa dad Aldo Casanova

La naziunala svizra dad unihockey da dunnas (U19) ha cuntanschì al campiunadi mundial en Svizra il tschintgavel rang. Per l'equipa dal trenader Sursilvan Aldo Casanova è quai ina trumpada.

La Svizra ha gudagnà il gieu per rang tschintg la sonda saira cunter la Norwegia cleramain cun 8:2. Tuttina è il turnier stà ina trumpada per las giuvnas Svizras. La finamira saja stada da cuntanscher il final, ha il trenader Aldo Casanova detg envers RTR.

I saja uss d'analisar quest campiunadi mundial e da guardar, tge che n'ha betg funcziunà. Forsa saja la gnervusitad stada memia gronda tar intginas giugadras avant ils agens fans, manegia Casanova. Mo en singuls muments dal turnier haja sia equipa vairamain mussà il meglier unihockey.

Il campiunadi mundial va afin la dumengia suentermiezdi cun il gieu per rang 3 tranter la Pologna e la Tschechia e cun il final tranter la Svezia e la Finlanda.

RR Sportissimo 12:00

Artitgels legids il pli savens