Il gieu d’avant ina emna a Manchester era stà in pari da 0:0. Real ha giugà ina buna partida ed ha dominà davent da l’entschatta enfin la fin. In gol da Gareth Bale (20avla minuta) ha tansch per ils roials da Madrid. Uschia vegnì tar il final madrilen cun Atlético Madrid che ha battì ier Bayern e Real Madrid.
Medem final sco 2014
Gia il 2014 era quai vegnì tar il final tranter Atlético e Real Madrid. Alura aveva real battì Atlético cun 4:1 suenter prolungaziun. Quai pir suenter che Sergio Ramos aveva pudì egualisar la partida en la 93avla minuta.
Il final ha lieu ils 28 da matg a Milaun.
RR novitads 23:00