Real Madrid è il prim finalist da la Champions League. Als Spagnols ha bastì mardi saira in pari da 2:2 encunter Bayern München. La prima partida da mezfinal aveva Real numnadamain gudagnà cun 2:1. Per il club da la chapitala spagnola èsi la terza qualificaziun da final en seria.
Trais finals en seria èn bain insatge grondius.
Anc mai avant ha in club en l'istorgia da la Champions League pudì cuntanscher in «hattrick» dal final.
L'adversari vegn eruì mesemna saira en la segunda partida da mezfinal tranter l'AS Roma e Liverpool. Il final ha lura lieu ils 25 da matg a Kiew.
RR novitads 06:00
