Reediziun dal final tranter Atlético e Real Madrid

In derby en il quart-final da la Champions League, segir e franc insatge spezial. Il duel tranter Atlético e Real Madrid è medemamain la reediziun dal final da la Champions League 2014. Lez ha Real gudagnà cun 4:1 suenter prolungaziun.

ballapedists cumbattan per la balla Bild in Lightbox öffnen.

Legenda da maletgs: Scena ord il final da la Champions League 2014. Atlético Madrid cunter Real Madrid. Reuters

Ditg avevi vis ora suenter ina victoria per Atlético, pir en il temp supplementar era igl grategià a Real da marcar igl 1:1. En la prolungaziun veva Real lura laschà nagina schanza ad Atlético e gudagnà a la fin cun 4:1.

Questa victoria è segir en buna memoria als giugaders da Real. En la stagiun actuala dat igl dentant era motivs per ils giugaders d’Atlético d’avair in bun sentiment. 6 gieus han las squadras giugà ina cunter l’autra, da quels ha Atlético gudagnà 4, 2 giadas ha igl dà in remis.

Il gieu tranter Atlético Madrid e Real Madrid cumenza sco usità a las 20:45. Il segund gieu è Juventus Turin cunter AS Monaco.