Hannes Reichelt ha dentant laschà ora ina porta sco anc blers auters skiunzs. Tuttina è il meglier temp da Reichelt ina supraisa. L’Austriac era numnadamain anc cupitgà grevamain en la cursa rapida sin la Streif a Kitzbühel. Ditg n’è betg stà cler sch’il skiunz rutinà parta insumma a Garmisch-Partenkirchen.
Svizzers perdan bler temp
Ils skiunzs svizzers n’han betg pudì persvader en l’emprim trenament a Garmisch-Partenkirchen. Carlo Janka è il sulet skiunz da Swiss Ski ch’ha pers damain che duas secundas sin Hannes Reichelt. Cun Beat Feuz e Fernando Schmed èn anc dus ulteriurs svizzers stads classads sut ils emprims 30.
Per la surpraisa dal di ha procurà Valentin Giraud Moine. Il Franzos ch’è partì cun il numer 38 è stà il quart spert.
Resultats 1. trenament a Garmisch
| 1. Hannes Reichelt (Austria) | 1:57.06 |
| 2. Kjetil Jansrud (Norvegia) | +0.60 |
| 3. Aleksander Kilde (Norvegia) | +0.67 |
| 4. Valentin Giraud Moine (Frantscha) | +0.69 |
| 5. Adrien Theaux (Frantscha) | +0.99 |
| 6. Andreas Sander (Germania) | +1.10 |
| 6. Maxence Muzaton (Frantscha) | +1.10 |
| 8. Christof Innerhofer (Italia) | +1.12 |
| 9. Benjamin Thomsen (Canada) | +1.18 |
| 10. Andrew Weibrecht (USA) | +1.19 |
| 22. Carlo Janka (Svizra) | +1.90 |
| 29. Beat Feutz (Svizra) | +2.35 |
| 30. Fernando Schmed (Svizra) | +2.36 |
| 38. Nils Mani (Svizra) | +2.63 |
| 44. Marc Gisin (Svizra) | +3.11 |
| 51. Urs Kryenbühl (Svizra) | +3.59 |
| 53. Niels Hintermann (Svizra) | +3.67 |
| 58. Ralph Weber (Svizra) | +4.13 |