Siglir tar il cuntegn

Naziunal/Internaziunal Renfatschas da doping cunter victurs da Sotschi

Tenor in rapport da la gasetta New York Times duain plirs tozzels da sportists russ dals gieus olimpics d'enviern a Sotschi esser stà participà ad in program statal da doping. La gasetta sa basa sin expressiuns da l'anteriur schef dal labor da controlla da doping a Moscau, Grigori Rodschenkow.

purtret dal passlunghist russ Alexander Legkov
Legenda: Cugliunà? Reproschas cunter il victur olimpic sur 50 km, Alexander Legkov. Reuters

Lez pretenda ch'almain 15 victurs da medaglias dals gieus olimpics dal 2014 hajan profità d'in sistem da doping. Radund 100 provas da doping sajan vegnidas zuppadas e barattadas. Rodschenkow ha dà tiers d'avair barattà las provas en acziuns da notg. Vitiers haja el svilupà in mix ord trais differents meds da doping per ils sportists russ.

Pertutgà Subkow e Legkow?

Per num vegnan numnads en il rapport Alexander Subkow (bob), Alexander Legkov (passlung) ed Alexander Tretjakov (skeleton). Vitiers saja l'entira equipa dal hockey da dunnas stada dopada. Legkov è vegnì trenà lura dal Svizzer Reto Burgermeister.

Mukto: Ina conspiraziun

Il minister da sport russ, Witali Mutko, ha refusà las renfatschas discurrì d'in'attatga nungiustifitgada sin il sport russ. Vers l'agentura da novitads Tass ha el pledà d'ina conspiraziun.

RR novitads 23:00