Il stadion da hockey da Tavau vegn renovà dapi l'onn passà. En trais etappas e per 25 milliuns francs vegn ord il stadion ch'è vegnì els onns, puspè in palast da hockey. La fin dal 2020 duess la renovaziun esser a fin dad a-z.
Ils ultims mais è oravant tut la tribuna sid vegnida renovada. Plinavant hai era dà quatter novas gardarobas da questa vart dal stadion.
Anc in grond plazzal
Malgrà ch'il HCD dat questa saira per l'emprima giada dapi l'avrigl in gieu a chasa, n'è la segunda etappa da construcziun anc betg a fin. La vart sid dal stadion è anc in grond plazzal. Enturn la fassada è in grond palancà. Per ils emprims gieus dastgan mo 600 empè da 1300 fans prender plaz sin questa tribuna. Quai ord motivs da segirtad.
-
Bild 1 von 6. Bildquelle: RTR, GIAN CARLO CANDINAS.
-
Bild 2 von 6. Bildquelle: RTR, GIAN CARLO CANDINAS.
-
Bild 3 von 6. La nova tribuna sid dal stadion a Tavau. Bildquelle: MAD HCD.
-
Bild 4 von 6. Bildquelle: RTR, GIAN CARLO CANDINAS.
-
Bild 5 von 6. Bildquelle: RTR, GIAN CARLO CANDINAS.
-
Bild 6 von 6. La vart nord dal stadion è gia vegnida renovada l'onn passà. Bildquelle: RTR, GIAN CARLO CANDINAS.
Ils stans da catering n'èn era anc betg tuts averts tar ils emprims gieus da chasa da Tavau. Sco il club ha dentant communitgà, duess la situaziun sa megliurar da gieu tar gieu. Sin fin november u cumenzament december 2019 duess la segunda etappa da construcziun esser dumagnada.
2020 la davosa etappa
L'onn che vegn duessan las davosas renovaziuns vegnir fatgas en il stadion dal club da hockey da Tavau. En il center stattan lura las tribunas davos ils dus gols. Tranter auter vegn la curva «Ost» cun ils fans dal HCD ad esser suenter en il vest dal stadion. Ils fans da l'equipa ordaifer vegnan a far il viadi viceversa.
RR actualitad 08:15