Siglir tar il cuntegn

Naziunal/Internaziunal Rigoberto Uran gudogna etappa roiala

Il ciclist columbian Uran gudogna la nov’avla etappa al Tour de France avant il franzos Warren Barguil ed il brit Chris Froome.

Ils ciclists Uran e Barguil en il spurt final ch'è stà fitg stretg.
Legenda: Il fotofinish ha stuì erruir tgi ch’è il victur da l’etappa roiala. Keystone

Suenter 182 kilometers e trais premis da muntogna ha quai dà ina finiziun fitg stretga en l'etappa roiala. La finala ha Rigoberto Uran da la Columbia triumfà en il spurt final.

Chris Froome vinavant a la testa

Il brit Chris Froome vegn da defender ses avantatg en il classament general. El è uss 18 secundas avant il talian Fabio Aru. L’ulteriur brit Geraint Thomas ch’era fin uss segund en il classament general ha stuì dar si la cursa. El ha rut l’oss clavigl tar ina ascensiun nua ch’el è cupitgà.

Cupitgadas hai dà anc pliras. Uschia ha er l’australian Richie Porte na betg savì finir la cursa. Suenter sia cupitgada è el vegnì tractà a l’ur da la via.

RR actualitad 18:00