Cun quest resultat han ils favurits sin aur olimpic pudì realisar lur siemi.
Mario Gyr, Simon Niepmann, Simon Schürch und Lucas Tramèr èn remblads da maniera suverana sur la Lagoa Rodrigo de Freitas a lur victoria.
Ils campiuns mundials e dubels campiuns europeics han distanzià la bartga culs Danais suenter 2’000 meters per 1,46 secundas. Bronz han fatg ils Franzos.
Il quartett dad aur
Emprima medaglia dad aur per rembladers svizzers dapi 20 onns
Il quartet en la bartga a pais lev ha segirà la setavla medaglia dad aur olimpica a la societad da remblar svizra. L’emprima dapi il 1996. Quella giada eran vegnids Xeno Müller en il skiff e Michael e Markus Gier en la bartga dubla a pais lev campiuns olimpics.
Per la delegaziun svizra a Rio è quai la segunda medaglia dad aur suenter la prestaziun da Fabian Cancellara e la terza insumma.
RR novitads 17:00 ++