Siglir tar il cuntegn

Header

cuntegn

Boa tarde Rio Sisavel plaz e diplom olimpic per Jolanda Neff

Gudagnà ha la Svedaisa Jenny Rissveds. In diplom olimpic hai er da per Linda Indergrand, ella è vegnida otgavla.

audio
Rio: Live avant la cursa da moutainbike cun Jolanda Neff
ord Sportissimo dals 20.08.2016.
laschar ir. Durada: 4 minutas 56 Secundas.

La medaglia d'argient va a Maja Wloszczowska da la Pologna e bronz va a la canadaisa Catharine Pendrel.

Jolanda Neff è probabel vegnida franada dals problems cun il dies. Mo propi declerar daco ch'i n'ha betg tanschì na possia ella betg, uschia Neff envers SRF.

Jolanda Neff ed il burdi da la favurita

Jolanda Neff ha dominà ils ultims dus onns la cuppa mundiala da mountainbike, er schi n'ha ils ultims campiunadis mundials betg tanschì per ina medaglia. Logic pia che la giuvna da 23 onns tutgava tar las grondas favuritas en la cursa olimpica da Rio.

audio
Jolanda Neff para d’esser pronta per la cursa da MTB
ord Actualitad dals 19.08.2016.
laschar ir. Durada: 1 minuta 44 Secundas.

Malsognas e blessuras han franà ella

Che Jolanda Neff è turnada senza medaglia dals ultims dus campiunadis mundials ha ina raschun principala. L’onn passà è Neff vegnida malsauna gist curt avant il campiunadi. Quest onn ha ella giu difficultads cul dies.

RR sportissimo 17:00

Artitgels legids il pli savens