-
Bild 1 von 3. Il currider da maraton Vanderlei Cordeiro da Lima ha envidà la flomma olimpica. Bildquelle: Keystone.
-
Bild 2 von 3. Il fieu olimpic arda – ils gieus pon cumenzar. Bildquelle: Keystone.
-
Bild 3 von 3. La delegaziun cun la bandierela Giulia Steingruber entra en il stadion da Marracana. Bildquelle: Keystone.
Il president transitoric brasilian - Michel Temer - è vegnì tschivlà ora uschè dad aut durant ses pled d'avertura - ch'ins n'ha strusch pli udì el:
Durant l’avertura festiva èn sportistas e sportists da passa 200 differentas naziuns marschadas en il stadion da Maracanã. La bandiera svizra ha purtà la campiunessa d’Europa da gimnastica Giulia Steingruber. Ils gieus olimpics da stad a Rio èn ils emprims en l'America dal sid. Els cuzzan fin ils 21 d’avust.
Per noss reporter Ursin Lechmann è quai stà ina premiera ad in'avertura da gieus olimpics. El è stà fitg impressiunà, malgrà ils schischuris ch'i ha dà. Surtut il turnar en l'hotel saja stà in pau hectic. Tut ils reporters vulevan turnar sco emprims.
In di suenter l'avertura pompusa dals gieus olimpics da stad a Rio dat i gia da gudagnar las emprimas medaglias. Per exempel en la cursa da velos sin via. Là tranter auter cun Fabian Cancellara che parta cun 35 onns a ses ultims gieus olimpics.
RR actualitad da la bunura