Siglir tar il cuntegn

Rio 2016 Hingis gioga cun Bacsinszky – Golubic sto star a chasa

La renunzia da Belinda Bencic ha consequenzas – Martina Hingis vegn uss a giugar dubel cun Timea Bacsinszky. Per Viktorija Golubic è dentant il siemi da gieus olimpics a fin. Era ha Stan Wawrinka annunzià ch'el na vegnia betg a giugar la concurrenza da mix cun Martina Hingis.

Timea Bacsinszky e Martina Hingis
Legenda: Timea Bacsinszky e Martina Hingis giogan a Rio il dubel per la Svizra. Keystone

L’equipa da tennis svizra a Rio va sulet cun in dubel da dunnas al start. Quai resulta da la glista uffiziala da la ITF. Timea Bacsinszky vegn a remplazzar Belinda Bencic che sto renunziar sin Rio pervi d’ina blessura a la vart da Martina Hingis. Perquai sto uss Viktorija Golubic la partenaria prevesida da Timea Bacsinszky restar a chasa.

Wawrinka gioga probabel sulet singul

La Svizra na vegn a Rio betg a sa participar a la concurrenza da mix. Sco Stan Wawrinka ha ditg a Toronto sentia el la vegliadetgna ed el veglia sa concentrar dal tuttafatg sin las partidas dal singul, quai communitgescha swiss-olympic.

RR novitads 14:00/18:00