Siglir tar il cuntegn

Header

cuntegn

Olá Brasil La moda brasiliana - il dress da ballape

Paris e Milaun – quai èn las grondas metropolas da la moda tar nus en l’Europa. Ma era Rio de Janeiro ha sia atgna moda. Almain uss durant ils gieus olimpics. Ina moda in zic main eleganta che quella da Paris e Milaun.

audio
Mezdi: Olà Brasil: La moda brasiliana – il dress da ballape
ord Actualitad dals 16.08.2016.
laschar ir. Durada: 1 minuta 48 Secundas.

Durant ils gieus olimpics porta bunamain mintgina e mintgin in dress da ballape - moda a la brasiliana. En il parc olimpic èn quai almain dus terzs dals visitaders. Ma era en la citad para il shirt da ballape dad esser l’ultima grida da moda.

Il pli derasà è il shirt mellen da la naziunala da ballape brasiliana, la Seleçao. Bunamain uschè populars è il dress da Flamengo, il club il pli famus da Rio de Janeiro. Igl è in dress cun sdrimas nairas e cotschnas, orizontalas e na betg verticalas sco tar ils blers dress. In pau main savens ves’ins dress da tschels clubs da Rio, da Fluminense, Vasco da Gama e da Botafogo.

RR actualitad 11:00

Artitgels legids il pli savens