Legenda:
La buttiglia aua ed il med da dischinfectar
èn adina pronts sper il bigl.
RTR, Ursin Lechmann
cuntegn
Olá Brasil - Suenter sa lavar hai num dischinfectar
Igl è vegnì cusseglià a nus d’adina dischinfectar ils mauns, cura ch’ins ha lavà els. Ma era suenter far la duscha, saja da dischinfectar ils mauns. Igl è schon in pau curius da sa lavar cun aua che n'è betg schubra.
Ins s’endisa: Suenter lavar ils mauns prend’ins gia automaticamain la tuba cun il med da dischinfectar ed unscha en ils mauns.
Ed era sch'ins lava ils dents è la buttiglia cun aua da baiver gia pronta sper il bigl.
Sulet vid il fried en vischinanza dals flums n’è il nas anc betg s’endisà. Quels pon ins savens gia savurar sin distanza. Gnanc da metter avant co quels savuran la stad tar temperaturas da passa 40 grads...
