Discletg per la gimnasta artistica Giulia Steingruber. En il final da la concurrenza per terra è la Svizra ruclada gist duas giadas ed ha perquai stuì sepulir gia baud il siemi d'ina segunda medaglia olimpica. Cun 11,8 puncts è Steingruber vegnida la finala otgavla ed ultima.
En la qualificaziun aveva Giulia Steingruber fatg 14,666 puncts ed en il final da la concurrenza multidisciplinara 14,733.
audio
Bunura: Rio - Steingruber manchenta ina segunda medaglia
01:34 min, ord Actualitad dals 17.08.2016.
laschar ir. Durada: 1 minuta 34 Secundas.
Victura olimpica en la gimnastica per terra è l'Americana Simone Biles cun la nota da 15,966 puncts, avant sia cumpatriota Alexandra Raisman (15,500). Bronz va a la Brita Amy Tinkler (14,933). Per Biles èsi gia sia quarta medaglia dad aur a ses emprims gieus olimpics.