Siglir tar il cuntegn

Header

cuntegn

Naziunal/Internaziunal Roger Federer è en il mezfinal a Paris-Bercy

Il Svizzer ha battì il Giapunais Kei Nishikori en dus sets cun 6:4 e 6:4. Entant ch'il Basilais n'aveva betg mussà uschè ina buna prestaziun en l'ultim gieu cunter Fabio Fognini, ha el questa giada giugà suveran.

Il Giapunais Kei Nishikori sa guardar enavos sin bunas ultimas emnas. Anc il di avant il gieu cunter Federer aveva el mussà ina buna prestaziun cunter Kevin Anderson ed a partir da l'emna proxima è el puspè tranter ils megliers 10 dal mund. Tuttina n'ha el chattà nagin recept cunter Roger Federer.

En il mezfinal frunta Federer sin il nov numer 1 dal mund, il Serb Novak Djokovic. Il mezfinal a Paris-Bercy è il 47avel duel tranter Federer e Djokovic. Il davos duel aveva Djokovic gudagnà, quai en il final da Cincinnatti.

RR novitads 06:00

Artitgels legids il pli savens