Insumma betg cumenzà bain ha Roger Federer dentant la partida cunter il numer 52 dal mund, Jan-Lennard Struff. Suenter sis minutas ha il Tudestg da 28 onns fatg l'emprim break. Pauc pli tard era Federer perfin cun 1:3 enavos. Lura ha el però vulvì per propi la partida, e gudagnà l'emprim set cun 6:3.
Il segund set è lura stà pli guliv. Federer ha ristgà bler davent da l'emprim bal, ed ha perquai fatg nunusità blers sbagls dubels. Il sbagl dubel decisiv fa lura dentant Struff. Suenter 65 minutas pussibilitescha el a Federer cun ses tschintgavel sbagl dubel, il break decisiv al 6:5 en il segund set. Pauc pli tard ha Federer realisà ses emprim bal da matsch.
En ils quartfinals frunta Roger Federer il venderdi saira sin il Franzos Gilles Simon, il numer 32 dal mund.
RR novitads 21:00
