Siglir tar il cuntegn

Header

cuntegn

Naziunal/Internaziunal Roger Federer en il final da Melbourne

Tar il stan da 6:1, 5:2 ha ses rival Hyeon Chung dà si la partida.

Roger Federer è en il final da l'Australian Open. En il segund set ha il Sidcorean Hyeon Chung dà si la partida pervi dad ina blessura.

Il Basilais da 36 onns sa qualifitgescha uschia per ses 30avel final dad in turnier da Grand Slam en sia carriera. La dumengia ha Federer la schanza da gudagnar ses 20avel turnier da Grand Slam. En il final frunta el sin il Croat Marin Cilic.

Defensur dal titel

L'onn passà ha Roger Federer gudagnà il final da l'Australian Open cunter il Spagnol Rafael Nadal en tschintg sets cun 6:4, 3:6, 6:1, 3:6 e 6:3.

RR novitads 11:00

Artitgels legids il pli savens