Siglir tar il cuntegn
Inhalt

Naziunal/Internaziunal Roger Federer en ils mezfinals a Basilea

Trais sets ha il Svizzer duvrà cunter il Franzos Gilles Simon per gudagnar il quartfinal dals Swiss Indoors. Ed ils aspectaturs a Basilea han vesì ina partida, nua ch'omadus giugaders han gì lur crisas. La finala ha Roger Federer pudì sa legrar da sia victoria.

Il giugader da tennis Roger Federer en acziun.
Legenda: Var duas uras e mesa ha Roger Federer stuì cumbatter per mintga bal en il quartfinal a Basilea. Keystone

Roger Federer fa il pass en ils mezfinals a Basilea. Il defensur dal titel gudogna cunter Gilles Simon cun 7:6 (7:1), 4:6 e 6:4.

La partida è stada in si e giu permanent. En l'emprim set sa revegn Federer d'in retard suenter in break, sa defenda cunter in bal da set e gudogna la finala a moda suverana il tie-break. En il segund set ha il Svizzer perfin incassà trais breaks. Ed era en il terz set ha el stuì dar giu ina giada ses service.

L'adversari da Roger Federer en il mezfinal è u il Grec Stefanos Tsitsipas u Daniel Medwedew da la Russia.

RR novitads 23:00