Roger Federer gia en il mezfinal a Londra

Roger Federer è sa qualifitgà per il mezfinal dals ATP finals a Londra. En sia segunda partida da gruppa ha il Svizzer battì il Tudestg Alexander Zverev en trais sets, cun 7:6 (8:6), 5:7 e 6:1.

Il giugader da tennis Roger Federer Bild in Lightbox öffnen.

Legenda da maletgs: Roger Federer durant sia partida cunter il Tudestg Alexander Zverev a Londra. Reuters

Federer ha pudì far en il tiebreak da l’emprim set ord in 0:4 in 5:4, ed ha tuttina stuì sa defender cunter ina balla da set. Il segund set ha Zverev gudagnà cun ses segund e davos break.

En il set decisiv ha Roger Federer lura fatg baud tut cler cun in break dubel. En la davosa partida da gruppa frunta Federer la gievgia sin il Croat Marin Cilic.

RR novitads 06:00