Siglir tar il cuntegn

Naziunal/Internaziunal Roger Federer out a l'US Open

Il Svizzer perda surprendentamain l'otgavelfinal cunter l'Australian John Millman en quatter sets cun 6:3, 5:7, 6:7, 6:7.

Giugader da tennis svizzer.
Legenda: Roger Federer manchenta il quartfinal a New York. Keystone
  • Roger Federer perda l'otgavelfinal cunter John Milllman.
  • Service e return na gartegian oz betg al Svizzer.
  • Per Federer èsi l'emprima terrada cunter in giugader ordaifer ils Top 50 a New York.

Per Roger Federer è il turnier da Grand Slam a New York a fin suenter l'otgavelfinal. Federer perda cunter l'Australian John Millman (ATP 55) en quatter sets cun 6:3, 5:7, 6:7, 6:7. La partida ha durà 3:35 uras.

Suenter ina bun'entschatta da Federer cunter l'Australian vegn quel però silsuenter da decider plirs tiebreaks en sia favur. Quai er grazia a blers sbagls da Federer

Millman cunter Djokovic

Per John Millman èsi stà l'emprim otgavelfinal ad in turnier da Grand Slam. Sco proxim frunta l'Australian en il quartfinal sin il Serb Novak Djokovic ch'ha gudagnà senza problems cunter il Portugais Joao Sousa en trais sets cun 6:3, 6:4 e 6:3.

RR novitads 07:00