Roger Federer perda final da Montreal

A l'ATP 1000 en il Canada perda il Svizzer cunter il Tudestg Alexander Zverev en dus sets cun 3:6, 4:6.

Laschar ir video «Roger Federer davart ses problems dal dies suenter il final da Montreal»

Roger Federer davart ses problems dal dies suenter il final da...

1:30 min, dals 14.8.2017

Per Roger Federer è quai stà l'emprima terrada en il sisavel final da questa stagiun. En l’intervista cun SRF ha Roger Federer confermà ch’el haja gì problems cun il dies durant il gieu. Tras quai nun haja el pli pudì giugar normalmain vinavant.

Forfair per Cincinnati

Pervi dals problems dal dies na vegn Roger Federer betg ad esser da la partida a l'ATP 1000 a Cincinnati en il stadi federativ dad Ohio.

Nadal numer 1

Uschia è la via libra per Rafael Nadal. A partir da l'emna proxima daventa il Spagnol il nov numer 1 dal mund. La davosa giada manava Nadal il classament general il fanadur 2014.

RR novitads 06:00