Siglir tar il cuntegn

Header

Navigaziun

Federer bitscha ses pocal da glas. - durant l'undrientscha dals victurs.
Legenda: A Miami ha Roger Federer gia gudagnà il 2005, 2006 e 2017. Keystone
cuntegn

Naziunal/Internaziunal Roger Federer triumfescha a Miami

Il giugader da tennis svizzer ha gudagnà il turnier da ATP-1000 a Miami. Durant l'entir turnier n'ha el gnanc pers in set.

Il final ha Federer gudagnà cunter l'american John Isner cun 6:1, 6:4. Duvrà ha Federer 63 minutas. Cunzunt en l'emprim set ha Federer mussà sias fermezzas e gist fatg trais breaks. En il segund set ha Isner survegnì mal al pe, uschia ch'el gieva vers la fin dal gieu be pli zoppegiond sur il plaz.

Per Federer munta la victoria a Miami il 101avel titel sin la tura da ATP. A partir da glindesdi è Federer sin posiziun 4 da la glista da rangaziun mundiala. La glista da rangaziun da l'onn maina Federer – grazia a ses segund triumf ad in turnier.

Federer cumenza uss a sa preparar sin la stagiun sin sablun. Il matg dat el dapi dus onns puspè l'emprima giada sin sablun.

RR novitads 21:00