Siglir tar il cuntegn
cuntegn

Naziunal/Internaziunal Ronaldo en ospital

Pervi d'ina puntga/in malcostas è l'anteriur ballapedist da la brasilia sco para vegnì en in ospital ad Ibiza. Là posseda el ina chasa.

Purtret dal giugader da ballape.
Legenda: L'anteriur giugader da ballape da la naziunala brasiliana è en ospital pervi d'ina puntga/in malcostas. Reuters

Venderdi saira saja Ronaldo vegnì sin la staziun intensiva d'in ospital, rapporta la gasetta locala "Diario de Ibiza" la dumengia. Ils medis hajan diagnostitgà ina puntga u era numnà in malcostas. Paucas uras pli tard saja l'anteriur giugader da ballape da 41 onns vegnì transportà en ina clinica privata.

Ronaldo è stà trais giadas ballapedist mundial da l'onn. Il 2011 ha el lura dà si sia carriera en il ballape professiunal. Tranter auter ha el dà per il FC Barcelona e Real Madrid. En il final dal campiunadi mundial 2002 en il Giapun ha el sajettà la naziunala brasiliana cun dus gols a la victoria cunter la Germania.

RR novitads 18:00