Naziunal/Internaziunal - Rosberg gudogna en l’Austria
Il pilot da Mercedes Nico Rosberg ha gudagnà il Grond Premi da l'Austria a Spielberg. Ses collega d'equipa Lewis Hamilton è vegnì segund. Per Rosberg èsi la terza victoria da la stagiun, suenter quella en Spagna e Monaco e l'indeschavla victoria en tut.
Sin plazza 3 è Felipe Massa en Williams. Ils pilots da Sauber n'han betg fatg puncts. Felipe Nasr è vegnì 11avel e Marcus Ericsson 13avel. En il classament general maina Hamilton cun 169 puncts avant Rosberg cun 159 e Vettel cun 120 puncts.