Rosberg è stà en la qualificaziun per il Grond Premi da la Spagna en la vischinanza da Barcelona, bunamain 3 dieschavels pli spert che Lewis Hamilton e parta uschia per la 10avla giada en sia carriera da l’emprima posiziun.
Dal terz plaz parta in ulteriur tudestg, Sebastian Vettel en Ferrari e sper el da la posiziun quatter il Finlandais Valtteri Bottas en Williams-Mercedes. Il segund pilot da Ferrari, Kimi Räikkönen ha stuì sa cuntentar cun il 7avel plaz.
Betg propi vegnids sin turas en Spagna èn ils dus pilots da Sauber. Il Brasilian Felipe Nasr è vegnì 15avel, ses collega svedais Marcus Ericsson 16avel.
RR sportissimo 17:00